En Hae zag: Emes had twee zeuns. De jóngste van häör zag taege zie vader:
vader gaef mich det paart van oos vermoge det mich toekump. En hae verdeilde 't
bezit ónger häör. En 'n paar daag later zat de jóngste zoon alles óm in
geldj en ging op reis nao 'n ver landj, wo hae zie vermoge d'rdoor joog in 'n
laeve van euvervlood. Wie d'r alles d'r door had gedrejd, kwaam d'r eine zjwaore
hóngersnood euver det landj en hae begós elenj te lieje. En hae trok d'r op
oet en dróng zich op aan eine van de burgers van det landj en dae sjtuurde hem
nao 't veldj óm zien verkes te heuje. En hae had zin óm ziene boek vulle mit
de sjale die de verkes vrote, mer nemes goof 'm die. Toen kwaam d'r toet bezej
en zag: Wieväöl daagloners van mie vader höbbe brood in euvervlood en ich
vergaon hie van de hónger. Ich zal opsjtaon en nao mie vader gaon en taege hem
zčgke: Vader ich höb zuunj gedaon taege d'n hemel en taege uch, ich bön neet
meer waerd óm eure zoon te heite; besjouw mich mer es de gelieke van eine van
eur daagloners.
En hae sjtóng op en ging nao zie vader trök. En wie d'r nog wied aaf waas,
zoog zie vader 'm en kreeg kómpassie mit 'm. En hae ging 'm taege, veel 'm óm
de hals en kösde 'm. En dae zoon zag taege hem: Vader, ich höb zuunj gedaon
taege d'n hemel en taege uch, ich bön neet meer waerd eure zoon te heite. Mer
dae vader zag taege zien sjlave: Bring flot 't bčste kleid hie haer en doot 'm
det aan, en doot hem eine rink aan zien handj en sjoon aan zien veut. En haol 't
gemesde kalf en sjlach det, en laot ôs eine feesmaoltied höbbe, want miene
zoon hie waas dood en is weer laevend gewaore, hae waas verlaore en is gevónje.
En zie begóste fees te viere. Ziene aajdste zoon waas op 't landj en wie d'r
doon bie hoes kwaam, heurde hae meziek en dans. En hae reep eine van de knechte
bie zich en vroog waat d'r te doon waas. dae zag taege hem: Eur broor is gekómme
en eur vader haet 't gemčsde kalf laote sjlachte, ómdet hae 'm gezondj en waal
trök haet. Mer hae waerde kwaod en wól neet nao binne gaon. Toen kwaam zie
vader nao boete en vroog 't hem dringend. Mer hae goof antjwaord en zag taege
zie vader: Kiek, zoväöl jaor bön ich al bie uch in deens en nooit höb ich
get taege eure wil gedaon, mer mich höb geer nooit ein geitebuukske gegaeve óm
mit mien vrunj fees te viere. Mer noe dae zoon van uch gekómme is dae eur
vermoge d'r door haet gedrejd mit sjlechte vrouwluuj, höb geer veur hem 't gemčsde
kalf laote sjlachte. Mer hae zag taege hem: Kiendj, doe bös altied bie mich en
alles waat van mich is, is van dich. Veer móste fees viere en blie zeen want
die broor hie waas dood en is laevend gewaore, hae waas verlaore en is gevónje.
