't waas twellef oor in Venlo
't woort tied um nar hoes te gaon
Toen iemand zei, hee loep us mei
't is heer nog neet gedaon
Ik keek ow aan en ik schrok darvan
Ik hei ow jaore neet gezeen
Geej waart nog moei, net zo moei
Als toen gans in 't begin
Op 't kerkplein in November
Zaag ik ow veur den ierste kier
De wind dae weide door ow haor
En ik zaag 't gevaor
Ik zaag mien hand al in ow hand
En ik dog loep door loep door
Onderwaeg heb ik meej zelf verteld
't waas neet mier als 'n blaad dat velt
Maar 'n blaad dat velt en 'n book giet dicht
Mar wat bleef, dat waas ow gezicht
Overdaag de zon en 's nachts de maon
Ik kos ow oege neet weerstaon
Ik dog mier aan ow dan aan meej zelf
Ik dog daage aan 'n stuk
Wat is dit nou, moeie vrouw
Dit is weggegoeit geluk
En 's nachts in bed, slaop ik net
Komde geej op bezeuk beej meej
Mien bed is kald, mien kamer kaal
En ik droem haar dar staan
En geej ziet zacht als dons als vacht
En ik drei meej um ow hin
En in ow erm waer ik werm
en droem mien moeiste zin
Te vuul gedaogt te lang gewach
Ik ging door op halve krach
Der bleef niks mier over van dit schip
't dreef langzaam tot 'n stip
Tot 'n puntje aan de horizon
Op 'nen oceaan zoe groet
Ik heb alles overboord gegoeid
'n have die kwaam noeit
't waas 's merges vroeg in Venlo
Hoeg tied um nar hoes te gaon
Geej keek meej aan en ik keek ow aan
Van kiek os heer now staon
Ik peek ow hand en ik lachte want
Ow gezicht en owe naam
En hoe ge keekt ow haor weg streekt
Toen de zon aan d'n hemel kwaam
