Fries waor in Friesland bis ómmetóm 1500 zoewaal voukstaal es
offesjeel taal. Dees perjood neump me ’t Audfries. Bie aanvang van de 16e
iew verangerde dit, en woort ’t Fries lansem aan trökgedrónge in
besjtuur, gerich, kirk en óngerrich en door ’t Holles vervange.
Op ’t plattelandj bleef me aevel plat kalle, door ’t geografies isolemčnt.
In de sjtaej woort ‘t Fries euvervleugeld door Holles en Sjtadsfries
ontsjtóng, ei saortemčnt ‘Holles op zie Fries’.
Ónger invlood van Gysbert Japicx en de Romantik begós de interesse
veur Fries weer aan te wasse. Dees aktiveteite wore samegenómme in de
"Fryske Beweging". In 1879 wore de versjillige dialekte geeinig
tót ein sjtanderdtaal, mit es gevolg det in de twintigste iew Fries es
twiede sjpraok in Nederland erkant woort, naeve ‘t Holles. Daomit waor
Friesland de ierste offesjeel twietalige provins (sins 1996 is Limburg det
ouch). Fries woort offesjeel toegelaote in ‘t gerich en in de lieger
klasse van de gróndjsjool.
