En haer zag: Emes haw twie zäöns. De jongste van hun zaag tieëge z'ne
vajer: Vajer, gaef mich m'n kindsjdael, dat mich towkump. En haer verdeilde de
bezietinge oongder hun. En wienige daog laoter magde de jongste zoen aal te
gelde en ging op reis nao e wied laand oe haer z'n vermoege dedoerdriejde ien e
laeve van uëverdaod. Dow haer aal dedoergedriejd haw, kaom d'r einne zjwoere
hongersnoed uëver dat laand en haer begós ermooi te lieje. En haer trok
drobboet en dròng zich òp aon èène van die luij van dat laand en dae
sjiekden 'm nao 't vèld um zien vèrkes te heuje. En haer wouw gaere z'ne boek
vulle mit de sjèlle die de vèrkes aote, mae nemes gaof z'm. Dow kaom haer tòt
zichzèlf en zaag: Wievaol daogloeners van miene vajer hebbe broed ien uëvervlood
en ich kaom hie um van d'n hoonger. Ich zal opstoen en nao m'ne vajer goen en
tiegen 'm zègge: vajer, ich heb zun gedoen tiege d'n hiemel en vuur uch. ich
been neet waerd eure zoen te haete: sjtel mich geliek mie èène van eure
daogloeners. En haer sjting òp en ging nao z'ne vajer truuk.
En es haer nòg
wied aof waor, zaog z'n vajer 'm en haw compassie mit 'm. En haer leep nao 'm tòw,
veel 'm um d'n haals en puunden 'm. En de zoen zaag tiege 'm: Vajer, ich heb zun
gedoen tiege den hiemel en vuur uch, ich been neet mie waerd eure zoen te haete.
Meh de vajer zaag tiege z'n sjlaove: Bring gàw 't bèsjte klaed hie nao tòw en
trik 't 'm aon en doeg 'm einne reenk aon z'n haand en sjoon aon z'n veuj. En
haolt 't gemèjste kaaf en sjlach 't, en laote v'r einne denee gaeve. Want m'ne
zoen hie waor doed en is weer laevend gewoerde, haer waor verloere en is
gevoongde. En ze begònne faet te vere. Z'ne auwdste zoen waor òp 't laand en
toen haer bekaans haevers waer huurde haer meziek en daans. En haer reep aene
van de knèchte bie zich en vroog h'm, wat is hie te doen. Dieze zag h'm: eure
broor is gekoeme en eure vajer haet 't gemèsjte kaaf laote sjlachte, umtot haer
h'm gezoongd en waol truuk haet. Meh haer woerd koed en wòw neet nao binne
goen. Dòw kaom z'ne vaajer nao boete en bleef aondawe bie 'm. Meh haer gaof es
aantwoerd truuk tiege z'ne vajer: Loor, zoevöl jaore been ich al ien euren
deensj en noets heb ich eurgeboeje uëvertroeje, meh mich hebt gier noets e
gaetebökske gegaeve um mit mien vrunj faet te vere. Meh, noe dae zoen van uch
gekoeme is, dae eur bezietinge dedoer haet gedried mit sjlèchte vrollui, heb
gier vuur häöm 't gemèsjte kaaf laote sjlachte. Meh, haer zaag tiegen 'm:
Keengd, de bies aaltied bie mich en aal wat van mich is is van dich. Vier
moesjte faet vere en sjpas maoke, waant eure broor hie waor doed en is laevend
gewoerde, hae waor verloere en is gevoongde.
